Humsafar chhoot gaye

Humsafar chhoot gaye
rahguzar ke hamrah
koi manzar na chala
deeda-e-tar ke hamrah

Aisa lagta hai ke pairon se
lipat aayi hai...
ek zanjeer bhi asbaab-e-safar
ke hamrah

Itna mushkil to na tha
mera palatna ..Lekin
yaad aa jate hain raste bhi
to ghar ke hamrah

Kis se tasdeeq karoon
shehar ki barbadi ki
ab to qasad bhi nahi hote
khabar ke hamrah

Hum ne jangal mein bhi
pichhe nahi murr ke dekha
kya ajab azm bandha
rakht-e-safar ke hamrah

By: Zubia